Dª Mª Eugenia Pérez Fernández é licenciada en Ciencias Económicas pola Universidade de Santiago de Compostela e pertence ao Corpo Superior da Administración Xeral da Xunta de Galicia.
Desde outubro de 2022 exerce como Directora Xeral de Formación Profesional da Xunta de Galicia, liderando a modernización e transformación do sistema galego de FP, cunha aposta decidida pola innovación, a conexión coas empresas e a formación dual.
Ao longo da súa traxectoria profesional, iniciada na empresa privada, desenvolveu diversos cargos de responsabilidade vinculados á educación, á orientación profesional e á formación ao longo da vida, entre os que salientan:

– En 2001, subdirectora xeral de Centros na Consellería de Educación e Ordenación Universitaria.
– En 2008, subdirectora xeral de Administración e persoal no Instituto Galego de Seguridade e Saúde Laboral na Consellería de Traballo e Benestar.
– En 2009, subdirectora xeral de Orientación Profesional e Relación con Empresas na Consellería de Cultura, Educación e Ordenación Universitaria.
– En 2012, subdirectora xeral de Formación Profesional na Consellería de Cultura, Educación e Ordenación Universitaria e Secretaria do Consello Galego de Formación Profesional.